Dei regionale flyrutene som er omfatta av denne tildelinga har til saman om lag 750 000 passasjerar kvart år og trafikkerer 19 lufthamner. Tildelinga gjeld i alt 16 ruteområde. Den gjennomsnittlege årlege godtgjersla frå staten til dei fire flyselskapa i kontraktperioden utgjer i alt 321,5 millionar kroner.

Vedtaka om tildeling av einerett for drift av regionale flyruter er gjort etter ein open anbodskonkurranse i EØS-området. For dei 16 ruteområda fekk Samferdselsdepartementet inn anbod frå seks flyselskap.

For kvart av ruteområda har Samferdselsdepartementet valt det selskapet som har det lågaste kravet om driftstilskott frå staten, og som dessutan oppfyller alle krava som er sette for drifta av den enkelte flyrute. Desse krava omfattar mellom anna billettprisar, talet på avgangar, storleik på flya og tilrettelegging for dei som er funksjonshemma.

Tildelinga av einerett for drift av regionale flyruter, med driftstilskott frå staten, blir slik for perioden 1. april 2006 – 31. mars 2009:

Ruteområde		Flyselskap	Gjennomsnittleg tilskott pr. år (i 1000 kr.)	Flytype
1	Lakselv – Tromsø	Widerøe	12 711	DH-8 103/300
2	Andenes – Bodø, Andenes – Tromsø	Coast Air	22 190	ATR-42
3	Svolvær – Bodø	Widerøe	23 650	DH-8 103
4	Leknes – Bodø	Widerøe	21 487	DH-8 103
5	Røst – Bodø	Kato Airline	5 316	Dornier 228
6	Narvik (Framnes) – Bodø	Widerøe	17 624	DH-8 103
7	Brønnøysund – Bodø, Brønnøysund – Trondheim	Widerøe	9 388	DH-8 103
8	Sandnessjøen – Bodø, Sandnessjøen – Trondheim	Widerøe	21 605	DH-8 103
9	Mo i Rana – Bodø, Mo i Rana – Trondheim, Mosjøen – Bodø, Mosjøen – Trondheim	Widerøe	48 981	DH-8 103
10	Namsos – Trondheim, Rørvik – Trondheim	Widerøe	27 068	DH-8 103
11	Florø – Oslo, Florø – Bergen	Danish Air Transport	14 850	ATR-42
12	Førde – Oslo, Førde – Bergen	Widerøe	14 758	DH-8 103
13	Sogndal – Oslo, Sogndal – Bergen	Widerøe	29 604	DH-8 103
14	Sandane – Oslo, Sandane – Bergen, Ørsta-Volda – Oslo, Ørsta-Volda – Bergen	Widerøe	39 277	DH-8 103
15	Fagernes – Oslo	Coast Air	9 138	Jetstream 31/32
16	Røros - Oslo	Coast Air	3 870	ATR-42
I alt			321 515

Sist oppdatert: 02.11.05 13:04